150 ஆண்டு போராட்டத்தில் கிடைத்த மகளிர் தினம்

ஆண்டு தோறும் மார்ச் 8ம் தேதி அன்று உலகெங்கும் மகளிர் தினம் கொண்டாடப்படுகிறது. ஐக்கிய நாடுகள் சபையால் அறிவிக்கப்பட்ட இந்த நாளில்  பல நாடுகளில் பொது விடுமுறை நாளாகும். பெண்களுக்கான சமத்துவம், உரிமைகளை வலியுறுத்துவதற்காகவும் மகளிர் தினம்  கொண்டாடப்படுகிறது. கடந்த 18ம் நூற்றாண்டில் தொழிற்சாலைகள் மற்றும் அலுவலகங்களில் ஆண்கள் மட்டுமே பணியாற்றினர். வீட்டு  வேலைகளை செய்வதற்காக பெண்களை வீட்டுக்குள்ளேயே முடக்கி வைத்திருந்தனர்.

பெரும்பாலான பெண்களுக்கு ஆரம்ப கல்வி கூட தரப்படாமல் மறுக்கப்பட்டது. 1857ம் ஆண்டு நிலக்கரி சுரங்கங்கள், தொழிற்சாலைகள்,  நிறுவனங்களில் பணி வாய்ப்பு தரப்பட்டது.  ஆனால் ஆண்களுக்கு நிகராக, ஊதியத்தில் பெண்களுக்கு அநீதி இழைக்கப்பட்டது. ஆண்களுக்கு  இணையான ஊதியம், உரிமைகள் வழங்கக்கோரி அமெரிக்காவில் 1857ம் ஆண்டு மார்ச் 8ம் தேதி கிளர்ச்சியில் ஈடுபட்டனர். அதன் பிறகு 1907ம்  ஆண்டு சம ஊதியம், சம உரிமை கேட்டு பெண்கள் போராடத் தொடங்கினர்.

1910ம் ஆண்டு டென்மார்க் நாட்டில், பெண்கள் உரிமை மாநாடு நடந்தது.1920ம் ஆண்டு சோவியத் ரஷ்யாவில் செயின்ட் பீட்டர்ஸ் நகரில் நடந்த  பெண்களின் போராட்டத்தில் கலந்து கொண்ட ரஷ்யாவின் அலெக்ஸ்சாண்டிரா கெலன்ரா, ஆண்டுதோறும் மார்ச் 8ம் தேதி உலக மகளிர் தினத்தை  கொண்டாட வேண்டும் என்று பிரகடனம் செய்தார். இதையடுத்து 1921ம் ஆண்டு முதல் மார்ச் 8ம் தேதி உலக மகளிர் தினம் கொண்டாடப்பட்டு  வருகிறது. 1975ம் ஆண்டை சர்வதேச மகளிர் ஆண்டாக ஐ.நா பிரகடனப்படுத்தியது. 150 ஆண்டு கால போராட்டத்தில் மகளிர் தினம் கிடைத்தது.  தற்போது ரஷ்யா, உக்ரைன், உஸ்பெஸ்கிஸ்தான், வியட்நாம், ஆப்கானிஸ்தான் உள்பட பல நாடுகளில் சர்வதேச மகளிர் தினத்துக்கு விடுமுறை  வழங்கப்படுகிறது.

-அஷ்ரப்